10年港姐冠軍，陳庭欣（Toby）Keep住33C靚body，次次出埠都影泳衣相派福利。月前，陳庭欣35歲生日，10億男友楊振源（Benny）精心策劃一個星馬泰豪華旅程，作為生日禮物𠱁女友開心。今次Benny唔只包機票食宿仲包埋影相，男友視角下，Toby Show盡滑溜「蜜桃胸」，以及冇半滴多餘脂肪的靚Figure！記者讚Benny影得好，Toby就唔多認同：「Benny影相真係麻麻地，係靠藍天白雲搭夠。」採訪：方騫平
投訴男友影相麻麻
Toby化身Model，任由男友360度，由上至下拍攝唯美寫真，其中Toby穿上火紅色三點式泳衣，置身泳池邊輕托太陽眼鏡的靚相，白雪雪「蜜桃胸」非常Bling Bling，Toby表示：「其實今次唔係特登去影寫真集，每款泳衣都係影咗兩三張，好快就影完，因為我想enjoy吓個環境。」她又帶笑「投訴」男友：「有兩個香港朋友一齊去嗰幾日影啲相會靚啲，Benny影啲相真係麻麻哋，不過，嗰度陽光與海灘好靚，就算亂咁影，天色都可以搭夠，我最鍾意係望住個海。」
非常合拍感情大增
對於被封「性感女神」，Toby坦言對身形有一定要求：「因為今次食得太多，去完呢個trip唔fit喇，要加操。」她承認疫情下冇得去Gym Room，又要戴口罩做運動，個人會懶咗，又提到隨住年紀漸大，每日至少花半小時做運動，好彩身形仲keep得住。
Benny花心思為Toby安排生日trip，如在布吉島的Resort體驗瑜伽及冥想，又準備玫瑰花及生日大餐，Sweet到爆燈！問到係咪好事近?Toby坦言兩人在此行有增進感情：「因為大家都玩得開心，我哋都鍾意水上活動及曬太陽，但就唔係高調放閃，總之係正常拍拖咁，Po吓旅行開心相。」Toby又笑言每年都會傳婚訊，強調，「都唔係，真係好奇怪。」
轉載自星島日報
Comments